محوّل الملفات
يحوّل الصور و PDF والوورد على جهازك مباشرة، بدون إنترنت وبدون ما ترفع ملفاتك لأي موقع
التشغيل أول مرة
- لازم يكون المجلد مفكوك من الملف المضغوط، وما ينفع تشغّل البرنامج من داخل الملف المضغوط نفسه
- حط المجلد في مكان ثابت ما تنقله منه، مثل مجلد المستندات
- افتح المجلد واضغط مرتين على ملف تشغيل المحول
- لو طلعت لك نافذة زرقاء من ويندوز، اضغط More info وبعدها Run anyway، وهذي تطلع أول مرة بس
- أول تشغيل ياخذ ثواني زيادة، والبرنامج بيسألك إذا تبي اختصار على سطح المكتب، اضغط Yes
- بعدها تفتح البرنامج من الاختصار اللي على سطح المكتب باسم محوّل الملفات
طريقة التحويل
- اختر نوع التحويل من البطاقات الأربع
- اضغط زر الإضافة واختر ملفاتك، وتقدر تختار أكثر من ملف مرة وحدة
- عدّل الخيارات لو تبي، أو اتركها مثل ما هي
- اضغط ابدأ التحويل
- لما يخلص اضغط افتح مكان الملفات وتلقى الناتج بجانب ملفك الأصلي
أشياء تهمك
- البرنامج ما يكتب فوق ملفاتك أبدًا، ولو فيه ملف بنفس الاسم يحفظ الجديد برقم بين قوسين
- تحويل الوورد يحتاج برنامج وورد مثبّت على الجهاز، لأنه هو اللي يسوي التحويل عشان يطلع الشكل مضبوط
- ملفات PDF المصوّرة بالسكانر تطلع صور داخل الوورد وما تنعدل كتابتها
- لو نقلت المجلد لمكان ثاني، شغّل البرنامج من ملف تشغيل المحول واضغط الرابط اللي تحت في الصفحة الرئيسية عشان يتجدد الاختصار
- لو صار خطأ، اضغط وش اللي ما تحوّل ثم انسخ تفاصيل الخطأ وأرسلها